占卜靈性見解


2020.11.19

以下為我的個人睇法,沒有對與錯☺️

輕鬆嘅一篇


我的占卜方法💜

其實有時好多人會話搵我塔羅占卜,或者PayMe其實寫tarot 🤣其實我從來冇叫過自己塔羅師或者冇一個服務係塔羅牌🤣 🤣我有上過塔羅堂,但其實我嘅解牌方法係直覺占卜,所有類型嘅卡牌都會用,塔羅牌因為佢哋靚所以我就買。冇話一個最犀利最勁嘅占卜方法,我冇用傳統塔羅嘅牌陣,咁我就相對唔會用返塔羅故事,其實全部方法唔會影響結果。我未用過嘅牌我都可以即時用到,一望即解到牌,因為我係用直覺通靈。有時我都會用返塔羅牌義,但係唔需要驚訝我解牌唔係解緊你所認知嘅塔羅解釋。

🔮係咪會解牌解得唔准💜

其實牌係一定出得啱,只不過睇吓占卜師點樣演繹,亦要睇睇當事人自己個心打得幾開同埋信唔信任,質疑住占卜就真係會影響😐


🔮然後又想講講問事預測占卜💜

其實所有都係提供緊一個建議俾你,真係要記住結果係有可能會改變同埋唔同。所以冇話邊套方法最犀利,其實阿卡西都係答緊一條最好嘅路建議,所以唔代表話阿卡西係100%你人生要跟着,係真理一定要做。預測占卜算命都係,唔係問咗就代表100%會發生,事件一定與占卜結果一樣。最準最厲害嘅就係你自己的高我同內心💪🏻


🔮占卜係咪身心靈嘅入門/初級/必學💜

非常奇怪好多人覺得一定要識得占卜先可以做其他能量療癒🤔亦好奇怪覺得占卜係最簡單最低級。其實唔一定個個靈性工作者都要識得占卜🤔只能夠話占卜係最常見。唔一定要識得占卜先可以上其他靈性課程。

有人今生專長是占卜幫人預測,有人今生專長是一個療癒師,有人今生專長係通靈者。你識靈氣唔代表你一定要占卜叻,反而我會覺得冥想就真係基本一定要做到,先可以做療癒。所以唔好話覺得自己淨係識占卜就唔係靈性,我都學咗好多唔同類型課程,但係我到而家都好鍾意占卜,接好多占卜,因為占卜預測對我來講好簡單亦係天賦,我亦少少預知嘅能力。(⬅️有待好好利用🤣)其實占卜就係通靈,通靈方法有好多種,所以靈性工具冇分高低


🔮占卜-面對面遙距資料💜

其實占卜就係連接你,知道你個名就足夠。當然有啲占卜師鍾意睇相,有啲有可能要埋你嘅出生日期。我的方法,淨係知你個名其實就真係足夠🤣唔需要質疑覺得淨係個名就夠?有啲客人耐左熟左

,其實我係記住你哋份感覺同對象個感覺去連結。面對面占卜純粹大家感覺良好交流親近,可能你問問題問得容易啲,或者見到面有信任你願意講出內心說話,做到療癒釋放。就係咁分別咋🙈我成日同人講天災人禍啲人都成日幫人祈禱,唔通你真係要飛去地球另一邊祈禱咩 😬👍🏻

3 views0 comments

Recent Posts

See All